“元朗區"小六升中交流區

piglet0529

草原 發表於 19-1-24 08:30
我同你一樣，其他少理。卷就全世界一樣，我睇學校係睇佢點裝備學生考DSE。 ...

信義補底如何?

妹妹頭

回覆 birdbird522 的帖子

依樣亦都係我聽開放日最深刻既野, 當日副校講, 我地中學 "摘星人數" 可能唔夠龍頭果間多, 但我地係要令到學生成績平均, 保持到入大學率...

草原

birdbird522 發表於 19-1-24 09:18
有d中學一味講曾經出過咩叻人，拎過咩獎.....只聽到拔尖，冇聽過補底既中學，一定唔係我杯茶。係香港讀書就 ...

多數都有補底，不過直資例如青中呢方面會處理得彈性，將有能力差異分開教。其實補底要有針對性先有效。

piglet0529

草原 發表於 19-1-24 09:43
多數都有補底，不過直資例如青中呢方面會處理得彈性，將有能力差異分開教。其實補底要有針對性先有效。 ...

有冇人知趙中補底好嗎?

草原

piglet0529 發表於 19-1-24 09:36
信義補底如何?

我見校網有學業輔導班通告比個別有需要學生吖，負責老師係學校老師，你上網會揾到好多料，唔明我教你睇到明。
今年S1開始學校有whatsapp同家長保持聯繫，我有咩想問得清楚啲都會whatsapp，唔駛估唔駛煩。

英文有分流，preS1成績稍遜會入小組。

birdbird522

草原 發表於 19-1-24 09:43
多數都有補底，不過直資例如青中呢方面會處理得彈性，將有能力差異分開教。其實補底要有針對性先有效。 ...

我知道青中對外來生都有一定要求，但今年學校會預留80～100學位比青小，令到青中學生比較參差，校長亦就黎退休，呢兩點我比較 concern。

草原

birdbird522 發表於 19-1-24 10:01
我知道青中對外來生都有一定要求，但今年學校會預留80～100學位比青小，令到青中學生比較參差，校長亦就黎 ...

權衡輕重再分析利弊，冇任何一間學校可以解決小朋友所有問題，能夠提供同幫助學生認清自己目標嘅環境最重要，枝節總會有，我今年都頭痕㗎。

ikenmak

草原 發表於 19-1-24 09:34
羅中校長都強調咗，可以增值嘅學校都唔會輕鬆。

本帖最後由 ikenmak 於 19-1-24 10:42 編輯

公度啲講：
輕鬆的學校一定係“負增值”；
辛苦的學校可以係“正增值”、“平穩”或者“負增值”（如果用不得其所）

都係果句：“一分耕耘，一分收獲”

看看小學果啲HAPPY SCHOOL，就知我講乜。

ikenmak

妹妹頭 發表於 19-1-24 09:37
回覆 birdbird522 的帖子

依樣亦都係我聽開放日最深刻既野, 當日副校講, 我地中學 "摘星人數" 可能唔夠龍 ...

崇德校長咁講就真係啱聽好多，我哋家長唔太在意最叻一兩個學生攞幾多5＊＊,反而平均學生幾百分比有3322先緊要，我哋無可能期望仔女六年後成為級五內，但一定預期子女在中間或以上位置，咁3322率就好緊要架！   

草原

ikenmak 發表於 19-1-24 10:41
本帖最後由 ikenmak 於 19-1-24 10:44 編輯

本帖最後由 ikenmak 於 19-1-24 10:42 編輯

同小學啲低form媽咪傾偈，竟然有唔少諗定考直資，遠到去大埔都考慮。我哋今年就已經開始多咗人考直資，舊年都係一兩個試水温。

ikenmak

草原 發表於 19-1-24 11:30
同小學啲低form媽咪傾偈，竟然有唔少諗定考直資，遠到去大埔都考慮。我哋今年就已經開始多咗人考，舊年都係 ...

元朗去大埔返直資？咁又唔太值得喎，除非該直資好好成績啦，否則無需要每日花大量時間在交通上，如果要花時間搭車（有私家車除外）,倒不如出九龍讀直資好過，質素都唔同啦！

王家爸爸

piglet0529 發表於 19-1-24 09:44
有冇人知趙中補底好嗎?

學校補底好唔好有兩個層次，第一投入，第二產出。第一個層次，可能真係需要讀緊，而且考得好後，又補緊底既先知道。第二個層次，可以從學校既3322率估到。

王家爸爸

草原 發表於 19-1-24 09:55
我見校網有學業輔導班通告比個別有需要學生吖，負責老師係學校老師，你上網會揾到好多料，唔明我教你睇到 ...

其實係唔係只有英文有分流？其他科（中文、數學）點做？

王家爸爸

ikenmak 發表於 19-1-24 11:04
崇德校長咁講就真係啱聽好多，我哋家長唔太在意最叻一兩個學生攞幾多5＊＊,反而平均學生幾百分比有3322先 ...

叻既係自動波，你唔理佢，佢都會掂。差既係四方木，你唔踢佢，佢唔識碌。

草原

王家爸爸 發表於 19-1-24 12:07
其實係唔係只有英文有分流？其他科（中文、數學）點做？

S1 英文分流，PreS1英文成績稍遜入小組，我知道係3組。另外能力稍強由外藉老師任教。通識用英文，高中按英語能力再揀用中或英。
數學學期初就有拔尖班（會考試篩選），下學期有冇得留低就視乎成績。中文有寫作班，（禮拜六）報咗名都可以参加。
中、英、數，IS 第一次統測核後有學業輔導組。

HeiB0724

回覆 草原 的帖子

我同意家長必須預多些時間準備升中事宜, 況且能夠讓孩子作多方面嘗試, 家長又配合是美事, 我作為家長也希望培育孩子有獨立自主思想, 人際關係良好, 六年的中學生活應該是多姿多采, 不想他是只一部考試機器。
以上只是我自己的觀點

草原

HeiB0724 發表於 19-1-24 12:21
回覆 草原 的帖子

我同意家長必須預多些時間準備升中事宜, 況且能夠讓孩子作多方面嘗試, 家長又配合是美事 ...

我兩個囝囡性格同取向好唔同，大囝諗好讀咩科入咩大學，鍾意参加義工活動祈禱唱詩。細囡成績好但紥紥跳，就係咁，大囝同學校夾到痺，細囡難度高啲。

HeiB0724

回覆 草原 的帖子

每一個孩子也是獨一無二的, 讓他自己親身感受一下, 給他有選擇的機會, 有時家長認為好的, 未必是孩子所想要的。

草原

HeiB0724 發表於 19-1-24 12:59
回覆 草原 的帖子

每一個孩子也是獨一無二的, 讓他自己親身感受一下, 給他有選擇的機會, 有時家長認為好的 ...

係，所以幫阿囡揀學校就唔係band 1去band 1咁揀法囉。

HeiB0724

回覆 草原 的帖子

正確, 很像我上年幫仔仔選校時的心路歷程